"Ювентус" ҳужумчиси Душан Влаҳович ҳамюрти, айни дамда ATP рейтингида пешқадамлик қилаётган теннисчи Новак Жокович дунёнинг биринчи ракеткаси бўлгани ҳақида ўз фикрлари билан ўртоқлашди.
22 ёшли ҳужумчи Жоковични барчага ўрнак деб атади, унинг психологик барқарорлиги ва машғулотлар жараёнига муносабатини қайд этди.
"Мен ўзимни эталон деб ҳисобламайман, чунки олдинда жуда кўп иш бор ва Жокович барчамиз учун намуна. Унинг ватандоши бўлиш жуда ёқимли: у кўпроқ совринлар ютиб, барча мақсадларига эриша олади деб умид қиламан”, - деди Влаховичнинг Tennis World USA билан суҳбатда.
Шунингдек, футболчи Жокович уни шу йил бошида "Фиорентина"дан "Ювентус" клубига кўчиб ўтгани билан табриклаганини айтди.
Влахович ўтган мавсумда Италиянинг икки клуби сафида 45 та ўйинда майдонга тушиб, 29 та гол урди ва 6 та голли узатмани амалга оширди.