"Челси" "Барселона" ярим ҳимоячиси Френки де Йонгни фақатгина Нголо Канте келаси ёзда тугайдиган шартномасини узайтиришдан бош тортсагина сотиб олиши мумкин. Бу ҳақда журналист Кристиан Фальк ижтимоий тармоқларда хабар бермоқда.
Шу билан бирга, таъкидланишича, "Бавария" де Йонгнинг трансферидан манфаатдор эмас, гарчи аввалроқ Юлиан Нагельсманн жамоасини нидерландиялик ярим ҳимоячи билан кучайтиришга қарши эмаслиги хабар қилинган бўлса-да.
Де Йонгнинг ўзи "Барселона"да қолмоқчи, аммо клуб уни сотиши ёки молиявий муаммолардан қочиш учун маошини камайтиришга кўндириши керак.
