"ПСЖ" ҳужумчиси Арно Калимуэндога учта клуб қизиқиш билдирмоқда. Журналист Адриен Греньенинг сўзларига кўра, футболчи учун “Ренн”, “Лидс” ва Лондоннинг “Вест Хэм” клублари даъвогарлик қилмоқда.
Калимуэндонинг ўзи ҳам бош мураббий Кристоф Галтьенинг режаларига киритилмагани аллақачон маълум қилинган. Ўз навбатида футболчи бундай рақобат шароитида ўйин амалиётига эга бўлмаслигини яхши тушуниб турибди.
Калимуэндо ўтган мавсумни ижара асосида "Ланс" сафида ўтказган ва Франция чемпионатида 12 та гол урган эди. Аввалроқ футболчи ўртоқлик ўйинида "ПСЖ" таркибида гол урганди.
Эслатиб ўтамиз, Арно Калимуэндо "ПСЖ" тарбияланувчиси бўлиб, Лига 1да клуб сафида бир неча ўйин ўтказган.
