"Ньюкасл" "Лестер" ва Англия терма жамоаси ярим ҳимоячиси Жеймс Мэддисон учун 40 миллион фунт таклиф қилди.
The Telegraph нашрининг хабарига кўра, таклиф жума куни "Ньюкасл" томонидан илгари сурилган. “Лестер” кечиктирмасдан жавоб қайтарди ва рад жавобини берди.
Агар "тулкилар" рози бўлганида, Мэддисон бразилиялик ҳужумчи Жоэлинтон билан "Ньюкасл" тарихидаги энг қиммат трансферга айланган бўларди.
2018 йил июнь ойида "Норвич Сити"дан 25 миллион фунт стерлинг эвазига шартнома имзолаган Мэддисон "Кинг Пауэр"даги тўрт мавсумида жуда катта муваффақиятларга эришди.
Гап шундаки, “Лестер” таркибни кучайтириш ва молиявий фэйр-плей қоидаларини бузмаслик учун футболчиларни сотиши керак, шу сабабли 25 ёшли англиялик футболчисини сотиши мумкин.