“Андижон” клубининг ёзги ўқув-машғулот йиғини ниҳоясига етди. Барча ишлар ўйланган режа асосида амалга оширилди.
Тайёргарлик жараёни икки босқичда олиб борилди. Дастлаб 5-15 июль кунлари Дукентда шуғулланишди. Кейинги йиғин Тошкентда 18-30 июль оралиғида ўтказилди.
Жамоа ҳаммаси бўлиб 5 та назорат учрашувини ўтказди. Бу орқали мураббийлар штаби футболчиларнинг ўйин амалиётини ошириш ҳамда уларни шакллантириш бўйича вазифаларни бажардилар.
Энди жамоа аъзолари 1 август санасида ўз қароргоҳида тўпланиб, 5 август куни про лига 14-тур доирасида Бухоронинг “Ғиждувон” жамоасига қарши бўлиб ўтадиган расмий баҳсга тайёргарлик кўрадилар.
Жамоанинг ёзги йиғиндаги барча ўртоқлик ўйинлари
11 июль
АГМК – “Андижон” – 2:1
Голлар: Хуршид Ғиёсов (пенальти), Зафар Полвонов – Маликшоҳ Расулов.
20 июль
“Металлург” – “Андижон” – 4:1
Голлар: Бектемир Абдуманнопов, Фарҳод Бекмуродов, Забиҳилло Ўринбоев, Жасур Холтўраев – Шаҳбоз Эркинов.
24 июль
“Андижон” – “Қизилқум” – 3:2
Голлар: Владимир Бубанья (пенальти), Шаҳбоз Эркинов (иккита) – Гонсало Габриел (пенальти), Орифхўжа Абдуҳолиқов.
28 июль
Ўзбекистон U-20 – “Андижон” – 2:1
Голлар: Азиз Холмуродов, Аббос Файзуллаев – Маликшоҳ Расулов.
29 июль
“Андижон” – “Истиқлол” – 3:0
Голлар: Богдан Милич, Горон Милойко, Маликшоҳ Расулов.
