"Бавария" ҳимоячиси Маттейс де Лигт қайси футболчига қарши ўйнаш қийин эканлигини айтиб ўтди. Бу унинг янги жамоадоши - Лерой Сане. Жорий йилнинг ёзида нидерландиялик футболчи Мюнхен клубига "Ювентус"дан кўчиб ўтганди.
"Менга энг кўп қийинчилик туғдирган рақиб Германия терма жамоасига қарши ўйинимизда Лерой Сане бўлганди. Мен унга қарши бутун майдон бўйлаб 1 га 1 ўйнашим керак эди ва у майдоннинг ҳамма жойида пайдо бўлишга улгурганди. Бу ҳақда унга "Бавария"га келганимда айтдим", - деди де Лигтдан Kicker нашри билан суҳбатда.
29 март куни Нидерландия ва Германия терма жамоалари ўртасидаги ўртоқлик учрашувида 1:1 ҳисоби қайд этилди.
