"Рома" ярим ҳимоячиси Николо Дзаньолога "Тоттенхэм" қизиқиш билдираётгани ҳақида аввалроқ хабар берган эдик.
Лондон клуби 23 ёшли футболчининг трансфери бўйича дастлабки музокараларни бошлаб юборди, деб хабар беради AS.
Николо учун асосий даъвогар "Ювентус" деб айтилди, аммо Турин клуби римликлар билан ҳеч қандай тарзда келиша олмаяпти.
Олдинроқ Дзаньоло жамоа билан машғулот ўтказишдан бош тортаётгани хабар қилинганди. Шунинг учун у бошқа клубга ўтишни хоҳлайди.
Италиялик футболчи ўтган мавсум "Рома" сафида барча мусобақаларда 42 ўйинда 8 гол урди ва 9 голга ассистентлик қилди. Ярим ҳимоячининг Рим клуби билан шартномаси 2024 йилнинг 30 июнига қадар тузилган.
