"Манчестер Сити" "Атлетико"нинг бразилиялик ҳимоячиси Ренан Лодига қизиқиш билдирмоқда, деб хабар беради The Telegraph.
Манбага кўра, инглиз клуби ёзги трансфер ойнасида футболчини сотиб олиши мумкин. "Шаҳарликлар" бразилиялик футболчини "Арсенал"га ўтган украиналик Александр Зинченконинг ўрнини босувчи футболчи сифатида кўрмоқда.
24 ёшли Лоди ўтган мавсумда "Атлетико" сафида барча турнирларда 40 та ўйинда майдонга тушиб, 4 та гол урди ва 4 та голли узатмани амалга оширди. Унинг клуб билан шартномаси 2025 йилнинг ёзига қадар мўлжалланган.