"Manchester Siti" "Atletiko"ning braziliyalik himoyachisi Renan Lodiga qiziqish bildirmoqda, deb xabar beradi The Telegraph.
Manbaga ko‘ra, ingliz klubi yozgi transfer oynasida futbolchini sotib olishi mumkin. "Shaharliklar" braziliyalik futbolchini "Arsenal"ga o‘tgan ukrainalik Aleksandr Zinchenkoning o‘rnini bosuvchi futbolchi sifatida ko‘rmoqda.
24 yoshli Lodi o‘tgan mavsumda "Atletiko" safida barcha turnirlarda 40 ta o‘yinda maydonga tushib, 4 ta gol urdi va 4 ta golli uzatmani amalga oshirdi. Uning klub bilan shartnomasi 2025 yilning yoziga qadar mo‘ljallangan.