“Спартак” ярим ҳимоячиси Остон Ўрунов “қизил-оқлар” билан шартномани бекор қилгач, жамоадаги қолган маошини тўлиқ олиш ниятида, деб хабар беради Metaratings.ru.
Манбага кўра, тўлов миқдори тахминан икки миллион еврони ташкил қилиши мумкин.
Аввалроқ Ўрунов "Химки"га ўтиши мумкинлиги ҳақида хабарлар тарқалган эди. 21 ёшли ўзбекистонлик ярим ҳимоячи Москва яқинидаги клубга ўтиш учун маошини камайтиришга тайёр.
Ўруновнинг "Спартак" билан шартномаси 2025 йилнинг ёзига қадар мўлжалланган. У 2020 йилдан бери Москва клубида ўйнаб келмоқда. У жамоа сафида 9та ўйин ўтказиб, 1та гол урган.
