"Арсенал" ҳимоячиси Габриэль дос Сантос "Манчестер Сити"дан 45 миллион евро эвазига "канонирлар"га ўтган ҳужумчи Габриэль Жезуснинг трансфери ҳақида гапирди.
“У жуда яхши йигит. Бизда бразилияликларнинг алоқаси борлиги сезилиб туради. Биз терма жамоа жойлашган жойда бўлганимизда, мен уни тез-тез бу трансферга ундардим.
Балки мен Жезуснинг қарорига таъсир қилгандирман", - дейди дос Сантос.
Эслатиб ўтамиз, Жезус мавсум олдидан "Арсенал" учун 7 та гол урган эди. Бироқ бразилиялик футболчи АПЛнинг 1-турида “Кристал Пэлас”га қарши ўйинда гол ура олмади.
