"Арсенал" бош мураббийи Микель Артета "Барселона" ҳужумчиси Пьер-Эмерик Обамеянгнинг "Челси"га ўтиши мумкинлиги ҳақида фикр билдирди.
Эслатиб ўтамиз, габонлик 2018 йилдан 2022 йилгача "канонирлар" сафида тўп тепган. "Обамеянг "Арсенал" учун жуда кўп иш қилди ва биз ундан жуда миннатдор бўлишимиз керак.
Биз ажойиб футболчи ҳақида гапиряпмиз. Агар у яна клубини ўзгартирса, Лондонда илиқ кутиб олинади", дейди Артета матбуот анжуманида.
Обамеянг трансфери учун «Барселона» 25 миллион евро талаб қилмоқда, аммо «Челси» 33 ёшли ҳужумчи учун ҳали бунча маблағ ажратишга тайёр эмас.
