Италия терма жамоаси ҳужумчиси Жакомо Распадори "Сассуоло"дан "Наполи"га ўтади. Журналист Жанлука Ди Марцио ўз сайтида хабар беришича, клублар ижара шартларини келишиб олишди.
Манбага кўра, "Наполи" 22 ёшли италияликнинг ижараси учун 5 миллион евро тўлайди. Шартнома футболчининг ҳуқуқларини 25 миллион еврога сотиб олиш мажбуриятини ўз ичига олади. Яна 5 миллион евро бонус сифатида тўланиши мумкин.
Футболчининг амалдаги шартномаси 2024 йилгача мўлжалланган. Transfermarkt портали футболчининг нархини 28 миллион еврога баҳоламоқда.
Ўтган мавсумда Распадори барча мусобақаларда 38 та ўйинда майдонга тушиб, 10 та гол урди ва 6 та голга ассистентлик қилди.
