"Барселона" янги ўнг қанот ҳимоячиси қидиришда давом этмоқда. Хуан Фойт (Вилярреал) ва Тома Менье (Боруссия Д)га муқобил сифатида испан клуби ўз тарбияланувчиси, Лондоннинг "Арсенал" клуби футболчиси Эктор Бельеринни қайтариш имкониятини кўриб чиқмоқда. Бу ҳақда Sport.es нашри хабар бермоқда.
Манбага кўра, 27 ёшли Бельерин Фойтдан кўра "кўк-анорранглилар" учун молиявий жиҳатдан қулайроқ футболчи бўлиб турибди. Меньени "Боруссия" қўйиб юборишга тайёр эмас, ўтган мавсумни "Бетис"да ижарада ўтказган Бельерин эса "Арсенал"ни ўзи тарк этишни режалаштирмоқда. Эктор “Бетис”га қайтишни хоҳлади, аммо Севилья жамоасида молиявий муаммолар бор.
Бельерин "Барселона" тарбияланувчиси. У 2011 йилда испан жамоасини тарк этиб, Лондон клубига йўл олди.
