Френки де Йонг ёзда "Барселона"ни тарк этмайди.
"Манчестер Юнайтед" 25 ёшли ярим ҳимоячини қўлга киритиш учун янги қадамлар ташламоқчи эмас. "Челси" ҳам музокараларда муваффақиятга эриша олмади.
Кўп сонли жароҳатлар туфайли майдон марказини кучайтирмоқчи бўлган "Ливерпуль" Френкини таклиф қилишдан манфаатдор эмас, деб ёзади CBC Sports журналисти Бен Жейкобс.
Шу муносабат билан де Йонг "Барселона"да ўйнашда давом этиши кутилмоқда. Хабар қилинишича, футболчи клуб билан шартномани қайта қуриш масаласини муҳокама қилишга тайёр.
Ушбу мавсумда ярим ҳимоячи "Барса"нинг Ла Лигадаги учта ўйинида ҳам иштирок этди. Уларнинг иккитасида де Йонг захирадан майдонга тушди.
