"Фулхэм" "Рома" ҳужумчиси Жастин Клюйвертнинг трансфери шартларини келишиб олди, дея хабар беради журналист Фабрицио Романо.
Лондон клуби 23 ёшли вингерни сотиб олиш имконияти билан ижарага олади.
Ўтган мавсумда Клюйверт "Рома"дан ижара асосида "Ницца"да ўйнади. Ҳужумчи француз клуби таркибида 31 учрашувда 6 та гол урди ва 7 та голли узатмани амалга оширди.
Transfermarkt.com портали футболчини 15 миллион еврога баҳоламоқда.
Эслатиб ўтамиз, Жастин "Аякс", "Барселона" ва Нидерландия терма жамоасининг машҳур собиқ ҳужумчиси Патрик Клюйвертнинг ўғлидир.













