Даниялик ҳужумчи Мартин Брейтуэйт "Барселона" билан шартномасини бекор қилганидан кейинги фикрлари билан ўртоқлашди.

"Ушбу клуб вакили бўлиш шараф эди. Мен ҳар доим мухлислар ва клуб учун қўлимдан келганини қилдим ва улар мени қўллаб-қувватлаганлари учун доимо миннатдор бўлиб қоламан" - деб пост қолдирди Брейтуэйт ўзининг ижтимоий тармоқдаги саҳифаларида.

Ҳужумчи 2020 йилнинг февралида "Барселона"га ўтганди. У "Леганес"дан 18 миллион еврога сотиб олинганди.

Даниялик футболчи “Барса” сафида 58 та ўйин ўтказиб, 10 та гол урган ва 5 та голли узатмани амалга оширган.