"Манчестер Юнайтед" бош мураббийи Эрик тен Хаг Европа лигаси доирасидаги "Шериф"га (2:0) қарши баҳсда Жейдон Санчонинг ўйини ҳақида фикр билдирди.
Кристиан Эриксеннинг узатмасидан сўнг 17-дақиқада инглиз футболчиси учрашувнинг асосий қаҳрамонларидан бирига айланди ва ҳисобни очди.
Танаффусга бироз вақт қолганида Криштиану Роналду пеналтини аниқ амалга ошириб, таблодаги якуний ҳисобни ўрнатди.
“Жейдон учун жуда хурсандман. Яна бир гол ва мавсумолдини ҳисобга оладиган бўлсак, унинг аллақачон бир нечта голлари бор.
Энди у яхши кўринмоқда, лекин менимча, у ривожланишда давом этиши керак, чунки у жуда катта маҳоратга эга. У ажойиб салоҳиятга эга”, - дейди Тен Хаг Европа Лигаси иккинчи даврасидаги ўз жамоаси ғалабасидан сўнг.
