"Челси" бош мураббийи Грэм Поттер "Тоттенхэм" ҳужумчиси Харри Кейнга қизиқиш билдирмоқда. 2023 йилнинг ёзида "аристократлар" "шпорлар"га Ромелу Лукаку ва нақд пул таклиф қилишга тайёр. Бу ҳақда Calciomercato хабар берди.

29 ёшли Кейн “Тоттенхэм” тарбияланувчиси ҳисобланади. Ҳужумчи жорий мавсумда Премьер-лиганинг 7 ўйинида 6 та гол урди ва голли узатмани амалга оширди. Кейн ва "Тоттенхэм" ўртасидаги келишув 2024 йилда якунига етади.

29 ёшли Лукаку 2019 йилдан 2021 йилгача “Интер” сафида тўп тепган. Бир мавсум аввал “Челси” Ромелуни 113 миллион евро эвазига ўз жамоасига қайтарганди, бироқ бельгиялик футболчи жамоада ўз ўрнини топа олмади ва “Интер”га ижарага юборилди.