"Бавария" "Тоттенхэм" ҳужумчиси Харри Кейнни ёзги трансфер ойнаси учун асосий мақсад қилиб олди. Бу ҳақда Sky Sports журналисти Флориан Плеттенберг хабар бермоқда.
Инсайдер хабарига кўра, ўтган ёзда "Бавария" англиялик ҳужумчининг вакиллари билан боғланган. Шу билан бирга, Кейннинг ўзи ҳам Мюнхен клубига ўтишга қарши эмас. Катта эҳтимол билан "Бавария" раҳбарияти ҳужумчи учун катта миқдорда, яъни 100 миллион еврога яқин пул тўлаши керак бўлади.
29 ёшли Кейн “Тоттенхем” тарбияланувчиси ҳисобланади. Ҳужумчи жорий мавсумда АПЛнинг 7 та ўйинида 6 та гол урди ва битта голли узатмани амалга оширди. Кейн ва "Тоттенхэм" ўртасидаги келишув 2024 йилда якунига етади.
