Ҳимоячи Маттиас де Лигт ёзда "Бавария"га ўтганидан хурсанд. Аввалроқ нидерландиялик футболчи “Ювентус”да уч йил ўйнаган.
"Фалсафа нуқтаи назаридан "Бавария" "Ювентус"дан кўра Нидерландия терма жамоасига яқинроқ. Бу ердаги дастлабки икки ойим қандай ўтганидан жуда мамнунман" - деди де Лигт NOS нашрига берган интервьюсида.
23 ёшли Маттиас де Лигт 2022/2023-йилги мавсумда “Бавария” сафида 9 та расмий ўйинда майдонга тушди. Нидерландиялик футболчи “Бохум” дарвозасини ишғол қилиб, битта гол уришга ҳам муваффақ бўлди.
Қўшимча қиламизки, айни дамда "Бавария" Германия Бундеслигаси турнир жадвалида бешинчи ўринда бормоқда.