"Манчестер Юнайтед" ярим ҳимоячиси Кристиан Эриксен уни "қизил иблислар"нинг собиқ футболчиси Пол Скоулз билан солиштиришни ёқтиришини тан олди.
“Албатта, улар билан солиштириш жуда зўр, лекин сиз ўз йўлингизни ва ўз номингизни яратишингиз керак”, деди даниялик футболчи Politiken нашрига.
30 ёшли Эриксен 2022 йилнинг ёзида "Брентфорд"дан "Манчестер Юнайтед"га ўтган эди. Инглиз клуби сафида даниялик футболчи 8 та ўйин ўтказди (6 таси Премьер-лигада ва 2 таси Европа лигасида), бу ўйинларда 2 та голга ассистентлик қилди.
Пол Скоулз "Манчестер Юнайтед" тарбияланувчиси бўлиб, 1993 йилдан 2013 йилгача асосий жамоада ўйнаган. "Манчестер Юнайтед" таркибида у 11 марта Англия чемпиони бўлди, 5 марта мамлакат Суперкубогини қўлга киритди, шунингдек, уч марта мамлакат кубоги ва 2 марта Англия Лига кубогини қўлга киритди. Бундан ташқари, ярим ҳимоячи икки марта Чемпионлар лигасида ғолиб чиқди.
