Бугун Сречко Катанец бошчилигидаги Ўзбекистон терма жамоаси Камерун терма жамоасига қарши ўртоқлик учрашувида майдонга тушди ва 2:0 ҳисобида ғалаба қозонди.

Шу тариқа, Камерун Ўзбекистон миллий терма жамоасининг сўнгги 30 йилдаги 60-рақибига айланди (аниқроғи, ФИФА рейтингига киритилган биринчи ўйиндан бошлаб ҳисобласак, 28та).

Шунингдек, Камерун Ўзбекистон миллий терма жамоасига қарши ўйнаган CAFнинг еттинчи жамоаси бўлди.

Ундан олдин Нигерия, Буркина-Фасо, Сенегал, Марокаш, Жанубий Судан ва Уганда терма жамоаларига қарши ўйнаган эдик. Фақатгина Нигерия билан иккита ўйин ўтказилган.