Ярим ҳимоячи Аллан "Эвертон"дан Амирликларнинг "Ал Ваҳда" клубига ўтди. 31 ёшли бразилиялик футболчи билан икки йиллик шартнома имзоланган.
Аллан инглиз клубида 2020 йилдан буён ўйнаб келмоқда эди. У аввал Европада “Наполи”, “Удинезе” ва “Гранада” клубларида тўп тепган. Transfermarkt портали футболчининг нархини 10 миллион еврога баҳоламоқда.
Ўтган мавсумда бразилиялик ярим ҳимоячи Премьер-лиганинг 28та ўйинида 2та голга ассистентлик қилган ва 7та сариқ ва 1та қизил карточка олган. Бу мавсумда у майдонга тушмади.