Россиялик таниқли мутахассис, Наманганнинг "Навбаҳор" клуби собиқ бош мураббийи Андрей Канчельскис Москванинг “Спартак” жамоасини бошқаришга тайёр.
“Ёнимга келишсин, хурсандчилик билан гаплашайлик. Биз ҳамма нарсани айтишни яхши кўрамиз, ҳаммаси конкрет бўлиши керак. "Қизил-оқлар"дан таклиф бўлса, муҳокама қиламиз, мен тайёрман!" - деди Канчельскис "РБ Спорт" билан суҳбатда.
Куни кеча Андрей Канчельскис бир қанча клублар билан музокара олиб бораётганини айтди. Канчельскис деярли икки йилдан бери ишсиз юрибди.
Айни дамда “Спартак” бош мураббийи испаниялик Гильермо Абаскаль ҳисобланади. Ўн турдан сўнг жамоа Россия Премьер-лигаси турнир жадвалида бешинчи ўринни эгаллаб турибди.
"Спартак" навбатдаги ўйинни 29 сентябрь куни Россия кубоги доирасида "Зенит"га қарши ўтказади.
