Охирги 15 йил ичида Жозе 5 марта ишдан бўшатилган.
Моуриньо икки марта "Челси" хўжайини Роман Абрамович томонидан ишдан бўшатилди - The Sun нашрига кўра, 2007 йилда Жозе икки Англия чемпионлиги ва мамлакат кубогидаги ғалабадан сўнг Лондонни тарк этган ва 20 миллион евро ишлаб олган.
2015 йилда Абрамович Моуриньони иккинчи марта истефога чиқарди ва шартномани муддатидан олдин бекор қилгани учун унга 14,5 миллион евро тўлади. Бу вақтга келиб португалиялик "кўклар" билан яна бир Премьер-лига чемпионлигини ва кубокни қўлга киритганди.
"Реал Мадрид" билан Моуриньо Испания чемпиони, мамлакат кубоги ва Суперкубоги соҳибига айланди, лекин унинг футболчилар билан алоқаси ёмон эди - мадридликлар раҳбарлари мураббийни ишдан бўшатиб, тахминан 20 миллион евро товон пули тўлашди.
“Манчестер Юнайтед”да Жозе Европа лигасида ғолиб чиқди ва икки марта Англия кубогини қўлга киритди, лекин Премьер-лигада мақбул натижаларни кўрсатмади, натижада – 2018 йилда томонлар шартнома муддати тугашидан олдин йўлларини ажратишди ва Моуриньо яна 17,5 миллион евро олди.
"Special One"ни охирги марта ишдан бўшатган клуб "Тоттенхэм" бўлди — "шпорлар" билан тузилган шартнома шартларига кўра, мутахассис мавсум учун тахминан 30 миллион евро ишлаб олган. Шартнома муддатидан олдин бекор қилингандан сўнг, Жозе ўз ҳисобига 18,6 миллионни қўшиб қўйган.
Британиялик журналистларнинг ҳисоб-китобларига кўра, португалиялик мутахассис муддатидан аввал ишдан бўшатилиши натижасида жами ҳисобда 97 миллион 674 минг 480 фунт стерлинг ишлаб олган.
