Coca Cola Суперлиганинг 20-тури доирасида ўтказилган “Бунёдкор” – “Навбаҳор” учрашувидан кейин “қалдирғочлар” бош мураббийи Иван Бошкович ўз фикрлари билан ўртоқлашди.

-  Жуда қийин ўйин бўлди, аслида шундай бўлишини билардик. Рақиб кучли, яхши савиядаги футболчиларга эга. Бугун чиройли ўйин кўрсата олмадик. Кутилмаган жароҳат сабабли режамиз ўзгарди. Асосийси ғалаба қозона олдик. Бу ёш футболчиларнинг иштиёқи эвазига қўлга киритилди.

Биз ҳар бир рақибга алоҳида тайёрланамиз. Бугун олдинги ўйиндаги тактикада ўйнамадик. Таркибимизда бугун неча нафар академиямиз тарбияланувчилари майдонга тушди, улар неча ёшда? Нега шу ҳақда сўрамаяпсизлар? Бугун ёш футболчилар учун катта ғалаба бўлди. Бундай “Навбаҳор”га қарши ғалаба катта натижа.