Ўтган мавсум "Тоттенҳем"да ижара асосида тўп сурган "Манчестер Сити" ҳужумчиси Эммануэл Адебайор Лондонликлар сафига тўлақонли аъзо бўлиши мумкин, дея хабар беради Goal.com.
"Тоотенҳем" футболчи учун сўралаётган суммани икки баробар - 5 миллион фунтга қисқартиришга эришди. Ҳужумчининг ўзи 5 миллион фунт миқдорида келишув бонусини олади ва 170 минглик ҳафталик маошини сақлаб қолади.
Аввалроқ "Сити" футболчини "ПСЖ" ё "Милан"га қимматроққа сотмоқчи эди, аммо такрорий таклиф тушмагач, "Тоттенҳем" таклиф қилган пулга рози бўлди. Келишув яқин кунларда расмийлаштирилади.
Ўтган мавсумда Адебайор 33 ўйинда майдонга тушиб 17та гол урган ва 11 голли узатма берган.
