"Реал" президенти Флорентино Перес жамоа ҳужумчиси Карим Бензема бу йил "Олтин тўп"ни қўлга киритишига ишонмоқда.
"Карим аллақачон УЕФАдан мукофот олган ва яқин орада у "Олтин тўп" соҳибига айланади. Ҳеч ким бунга шубҳа қилмайди", - дея Переснинг сўзларидан иқтибос келтирмоқда AS нашри.
Ўтган мавсумда 34 ёшли франциялик ҳужумчи “қаймоқранглилар” сафида 46 та учрашув ўтказиб, 44 та гол ва 15 та голли узатмани амалга оширган. "Реал" билан биргаликда Бензема Испания чемпиони ва Чемпионлар Лигаси ғолибига айланди.
"Олтин тўп"ни топшириш маросими 17 октябрь куни бўлиб ўтади.
