"Арсенал"нинг собиқ ҳужумчиси, ҳозирда футбол эксперти сифатида ишлаётган Поль Мерсон "Ливерпул"ни сенегаллик вингер Садио Манени "Бавария"га сотгани учун танқид қилди.
"Маненинг трансфери "Ливерпул"нинг энг ёмон қароридир. Садио "мерсисайдликлар" учун кўплаб муҳим голларни киритди. Нима учун бундай қилишганини тушунолмаяпман. Нуньес ҳатто Мане даражасига яқинлашмайди ҳам", - деди Мерсон Sky Sports телеканалида қилган чиқишида.
30 ёшли сенегаллик футболчи 32 миллион евро эвазига "Бавария"га ўтди.
Садио жорий мавсум Бундеслиганинг 8 ўйинида 4 та гол урди ва битта голли узатмани амалга оширди.
