"Манчестер Сити"нинг норвегиялик ҳужумчиси Эрлинг Холанд жамоанинг АПЛ ва Чемпионлар лигасидаги барча даврлардаги умумий голларининг бир фоизини киритди.

Opta таҳлилчиси Александр Дункан ўзининг ижтимоий тармоқларида шундай статистик маълумотларни келтириб ўтади. Қайд этилишича, “Ман Сити” АПЛда 1687 та, Чемпионлар лигасида 217 та гол урган. Холанд эса 19 та гол урган. Норвегиялик футболчи жорий мавсум Чемпионлар лигасида 3 та ўйинда майдонга тушиб, 5 та гол урди. Англия чемпионатида норвегияликлар 8 учрашувда 14 та гол ва 3 та голли узатмани амалга оширган.

Эслатиб ўтамиз, аввалроқ Холанд "Брюне", "Мольде", "Зальцбург" ва "Боруссия Дортмунд" клубларида тўп тепган. "Манчестер Сити" норвегиялик футболчини 2022 йилнинг ёзида 75 миллион евро эвазига сотиб олди, бу футболчининг немис клуби билан шартномасида товон пули сифатида кўрсатилган.