"Бетис" устози Мануэль Пеллегрини Европа лигаси доирасида "Рома"га қарши бўлиб ўтадиган ўйин ҳақида фикр билдирди.
Эслатиб ўтамиз, ўтган ҳафтада "Бетис" сафарда "Рома"ни 2:1 ҳисобида мағлуб этганди.
"Албатта, Дибала каби футболчини йўқотиш "Рома"га таъсир қилади. Лекин жамоа бир футболчига боғлиқ эмас. Ишончим комилки, "Рома"да унинг ўрнига кучли ўринбосар бор. Бизда Фекир билан ҳам худди шундай бўлган, аммо бу ўзимизни оқлаш учун сабаб бўлмайди.
Ўйлайманки, биз мувозанатли ўйин ўтказамиз. Моуриньо жамоалари шиддатлилиги билан ажралиб туради ва улар қарши ҳужумларда яхши ўйнашни билишади” - деди Пеллегрини матбуот анжуманида.
"Бетис" ва "Рома" ўйини 13 октябрь куни бўлиб ўтади.
