Кеча Ла Лига 9-туридан "Реал" "Барселона"ни қабул қилиб, 3:1 ҳисобида ғалаба қозонди. Ушбу ўйиндан сўнг айрим статистика ва фактлар билан танишинг.

— Бу расмий мақомда ўтган тарихдаги 250-класико бўлди. Унда “Реал” 101-ғалабасини қўлга киритди, каталонларда 97 та ғалаба бор, яна 52 марта дуранг қайд этилган;

— “Реал” сўнгги 7 класикодан 6 тасини ғалаба билан якунлади. Бу оралиқдаги ягона мағлубият 2022 йилнинг 20 мартида рўй берган (0:4);

— “Барселона”нинг Ла Лига сафар ўйинларидаги мағлубиятсиз серияси якунланди. Хави жамоаси кетма-кет 18 сафар ўйинида ютқазмаганди;

— Анчелотти шогирдлари жорий мавсумдаги мағлубиятсиз сериясини 14 та ўйинга етказди — 12 ғалаба, 2 дуранг. Умумий ҳисобда “Мадрид” 18 ўйиндан бери ютқазмаяпти;

— Родриго класикода пенальтидан гол урган “Реал”нинг 1916 йилдан кейинги энг ёш футболчисига айланди (21 ёш-у 280 кун). 106 йил аввал Сантьяго Бернабеу (20 ёш-у 310 кун) бу рекордни ўрнатган;

— Левандовски “Бавария”га ўтган давридан шу кунга қадар “Реал”га 4 бор ютқазди ва битта дуранг ўйнади;

— Карим Бензема “Барселона”га 12-голини уриб, класико тўпурарлари рўйхатида 8-ўринга чиқиб олди. Бу борада рекордчи — Месси (26)