Россиялик ҳамкасбларимиз transfermarkt порталининг янги баҳо дафтарчасини очиб, еврофутболдаги энг қимматбаҳо юлдузлар рамзий терма жамоасини шакллантиришди.
Сир эмас, трансферлар бўйича рекордлар йилдан-йилга янгиланмоқда ва ҳозирда 100 миллион евро атрофидаги сумма ҳеч кимни ортиқча ҳайратлантирмаяпти.
990 миллион евролик жамоа
Еврофутбол-2022нинг энг қимматбаҳо ўйинчилари рамзий жамоасига қарасак, у 9та клуб вакилларидан тузилди. Жамоанинг умумий суммаси эса 990 миллион еврога тенг.
Дарвозабон: Тибо Куртуа («Реал») - 60 млн. евро
Ҳимоячилар: Трент Александер-Арнольд («Ливерпуль») - 80 млн. евро; Рубен Диаш («Манчестер Сити») - 75 млн. евро; Маркиньос («ПСЖ») - 70 млн. евро; Алфоньсо Дэвис («Бавария») - 70 млн. евро
Ярим ҳимоячилар: Жуд Беллингем («Боруссия» Д.) - 90 млн. евро; Педри («Барселона») - 90 млн. евро; Бруну Фернандеш («МЮ») - 85 млн. евро
Ҳужумчилар: Килиан Мбаппе («ПСЖ») - 150 млн. евро; Винисиус Жуниор («Реал») - 120 млн. евро; Муҳаммад Салоҳ («Ливерпуль») - 90 млн. евро
АПЛ: 905 «лимон» ва 3та клуб
Энди ҳар бир лиганинг энг қимматбаҳо рамзий жамоасига ҳам бирров назар соламиз. Англия клублари трансферларга ҳаммадан кўп сарфлаши - бугунги куннинг ёзилмаган қонуни. Ҳар ҳолда, АПЛнинг қайсидир кучли клуби муайян футболчига жиддий қизиқса, унинг трансферига муаммосиз пул топади. 99 фоиз ҳолатда шундай. АПЛнинг ҳозирги қимматбаҳо «рамз»-жамоасига келсак, у атиги 3та клуб вакилларидан ташкил топди. Умумий сумма - 905 миллион евро. Ҳа, АПЛ ва еврофутболнинг энг қимматбаҳо «рамз»лари баҳоси ўртасида катта фарқ йўқ. «МЮ» ярим ҳимоячиси Бруну Фернандеш нега йўқ? Португалиялик футболчи ўрнига универсал чизма бўйича у билан битта позицияда ўйнайдиган Кевин де Брюйне олинди. Чунки иккисининг нархи тенг, статистика бўйича эса бельгиялик олдинда.
Дарвозабон: Алиссон («Ливерпуль») - 50 млн. евро
Ҳимоячилар: Трент Александер-Арнольд («Ливерпуль») - 80 млн. евро; Рубен Диаш («Манчестер Сити») - 75 млн. евро; Уэсли Фофана («Челси») - 65 млн. евро; Эндрю Робертсон («Ливерпуль») - 65 млн. евро
Ярим ҳимоячилар: Фил Фоден («Манчестер Сити») - 90 млн. евро; Кевин де Брюйне («Манчестер Сити»») - 85 млн. евро; Родри («Манчестер Сити») - 80 млн. евро
Ҳужумчилар: Эрлинг Холанд («Манчестер Сити») - 150 млн. евро; Муҳаммад Салоҳ («Ливерпуль») - 90 млн. евро; Диас («Ливерпуль») - 75 млн. евро
Ла Лига: 735 «лимон» ва 4та клуб
Испанияда трансфер рекордлари тез-тез янгиланади. Бироқ ҳозирда чемпионатнинг энг қимматбаҳо футболчилари рамзий жамоаси нисбатан арзонроқ - 735 миллион евро. Қолаверса, «рамз»га 4та жамоа вакиллари киришди.
Дарвозабон: Тибо Куртуа («Реал») - 60 млн. евро
Ҳимоячилар: Жюль Кунде («Барселона») - 60 млн. евро; Эдер Милитао («Реал») - 60 млн. евро; Ферлан Менди («Реал») - 40 млн. евро; Хуан Фойт («Вильярреал») - 25 млн. евро
Ярим ҳимоячилар: Педри («Барселона») - 90 млн. евро; Федерико Вальверде («Реал») - 80 млн. евро; Жоау Фелиш («Атлетико») - 70 млн. евро
Ҳужумчилар: Винисиус Жуниор («Реал») - 120 млн. евро; Родриго («Реал») - 75 млн. евро; Арно Данжума («Вильярреал») - 50 млн. евро
Бундеслига: 677 «лимон» ва 4та клуб
Бундеслиганинг энг қимматбаҳо жамоасида ҳам айнан 4та клубдан вакил бор. Сумма эса Ла Лиганикидан бироз паст - 677 миллион евро. Бунга аввало, Германияда дарвозабонлар баҳосининг камлиги сабабдир.
Дарвозабон: Грегор Кобель («Боруссия» Д.) - 22 млн. евро
Ҳимоячилар: Алфоньсо Дэвис («Бавария») - 70 млн. евро; Маттийс де Лигт («Бавария») - 70 млн. евро; Йошко Гвардиол («РБ Лейпциг») - 60 млн. евро; Бенжамин Павар («Бавария») - 30 млн. евро
Ярим ҳимоячилар: Жуд Беллингем («Боруссия» Д.) - 90 млн. евро; Жошуа Киммих («Бавария») - 80 млн. евро; Кристофер Н~Кунку («РБ Лейпциг») - 80 млн. евро
Ҳужумчилар: Серж Гнабри («Бавария») - 65 млн. евро; Лерой Сане («Бавария») - 60 млн. евро; Патрик Шик («Байер») - 50 млн. евро
Лига 1: 660 «лимон» ва 2та клуб
Франция чемпионати «шоҳ» жамоасига шунчаки, «ПСЖ» ёрлиғини ёпиштириш керак. Фақат «Монако» ярим ҳимоячиси Александр Головин «бегона» холос. Тўғри, Лига1 рамзий жамоанинг умумий қиймати бўйича Бундеслигадан ҳам орқада - 660 миллион евро.
Дарвозабон: Жанлуижи Доннарумма («ПСЖ») - 50 млн. евро
Ҳимоячилар: Маркиньос («ПСЖ») - 70 млн. евро; Ашраф Ҳакими («ПСЖ») - 65 млн. евро; Нуну Мендеш («ПСЖ») - 50 млн. евро; Преснель Кимпембе («ПСЖ») - 40 млн. евро;
Ярим ҳимоячилар: Марко Верратти («ПСЖ») - 50 млн. евро; Фабиан Руис («ПСЖ») - 45 млн. евро; Александр Головин («Монако») - 25 млн. евро
Ҳужумчилар: Килиан Мбаппе («ПСЖ») - 150 млн. евро; Неймар («ПСЖ») - 75 млн. евро; Лионель Месси («ПСЖ») - 50 млн. евро
«А» серия: 635 «лимон» ва 5та клуб
Энг интернационал ва арзон таркиб Италияда. «А» сериянинг амплуалар бўйича энг қимматбаҳо футболчилари ҳозирда 5та клубда ўйнашмоқда ва уларнинг умумий суммаси 635 миллион еврога тенг.
Дарвозабон: Майк Меньян («Милан») - 35 млн. евро
Ҳимоячилар: Милан Шкриньяр («Интер») - 65 млн. евро; Алессандро Бастони («Интер») - 60 млн. евро; Тео Эрнандес («Милан») - 55 млн. евро; Давиде Калабрия («Милан») - 25 млн. евро
Ярим ҳимоячилар: Никола Барелла («Интер») - 70 млн. евро; Сергей Милинкович-Савич («Лацио») - 60 млн. евро; Лоренцо Пеллегрини («Рома») - 45 млн. евро
Ҳужумчилар: Душан Влахович («Ювентус») - 85 млн. евро; Рафаэль Леау («Милан») - 70 млн. евро; Федерико Кьеза («Ювентус») - 65 млн. евро
