"ПСЖ" ҳужумчиси Килиан Мбаппе Қатарда бўлиб ўтадиган жаҳон чемпионати олдидан RMC Sport томонидан ўтказилган сўровномада Франция етакчиси деб топилди. Сўров шуни кўрсатдики, французларнинг 42 фоизи Мбаппени терма жамоа юзи деб билишади.
Мадриднинг “Реал” клуби ҳужумчиси Карим Бензема 24 фоиз овозга эга бўлиб, иккинчи ўринда, учинчи ўринда эса Антуан Гризманн 13 фоиз овоз билан жой олган.
Шунингдек, ашаддий футбол ишқибозлари билан алоҳида суҳбат ўтказилди. Уларнинг 48 фоизи Карим Бенземани Қатарда жамоа етакчисига айланишига ишониб, унга овоз беради. Мухлисларнинг 31 фоизи Килиан Мбаппега овоз берди.
Эслатиб ўтамиз, Қатардаги жаҳон чемпионати 20 ноябрь куни бошланади. Турнирнинг очилиш учрашуви мезбонларнинг Эквадор терма жамоаси билан ўйини бўлади.
