"Олимпиакос" ярим ҳимоячиси Матье Вальбуэна "Реал" ҳужумчиси Карим Бенземанинг "Олтин тўп"даги ғалабаси ҳақида фикр билдирди.
"Бензема учун хурсандман, у бунга лойиқ. Ҳаётда биз ҳалол бўлишимиз керак. Мен доим футбол майдонида ва ундан ташқарида содир бўладиган нарсаларни ажратганман. У ажойиб мавсумни ўтказди. "Реал Мадрид" каби клубда шунча йил ўйнаб, яхши ўйин кўрсатганингизда, у совринга лойиқ эмас, десам, нохолис бўларди", - деди Вальбуэна GOAL порталига.
34 ёшли футболчи ўтган мавсумда "Реал Мадрид" билан Ла Лига ва Чемпионлар Лигасида ғолиб чиқди ва ҳар иккала мусобақада ҳам энг яхши тўпурарга айланди. Мадрид клуби таркибида футболчи 2009 йилдан буён ўйнаб келмоқда.
