“Реал” ҳужумчиси Карим Бензема ўзини Роналдо ва Зинедин Зидан каби кучли футболчи деб ҳисобламайди.
"Олтин тўп-2022" соҳибининг сўзларига кўра, у бу футболчилардан ўта олмаган ва улар Каримнинг кумирларидир.
“Мен улар майдонда қилган ишни қила олмайман, лекин улар шунга ўхшаш нарсани кўрсатишга уринишда ёрдам беришади. Мен уларнинг даражасига ҳеч қачон эриша олмайман. Улар “Олтин тўп”ни қўлга киритиб бўлишган, мен эса эндигина эришдим. Лекин уларнинг даражасига чиқиш қийин. Кичиклигимда ёши катталар билан ўйнаганман. Тезроқ ўйлаш, тезроқ ҳаракат қилиш муҳим эди. Ҳозир менинг футболим бир тегиниш ўйини. Мен тўпни олганимда нима қилишимни биламан ", деди ҳужумчи.
