"Интер" марказий ҳимоячиси Алессандро Бастони "Фиорентина"га қарши ўйинда ўз жамоасига ёрдам беролмайди. Бу ҳақда журналист Маттео Барзаги ижтимоий тармоқларда хабар берди.
Манба берган хабарга кўра, футболчи шамоллаб қолган, аммо у захирада ўтиради. Жамоага шу ёзда Римнинг “Лацио”сидан келиб қўшилган тажрибали Франческо Ачерби катта эҳтимол билан “нерадзурри”нинг асосий таркибида майдонга тушади.
Шунингдек, бош мураббий Симоне Индзаги “Фиорентина”га қарши баҳсни қайси ҳужумчи билан бошлашини ҳал қилиши керак: Хоакин Корреа ёки Эдин Жеко. Эслатиб ўтамиз, Ромелу Лукаку ўйинда иштирок этмайди.
