"Манчестер Юнайтед" ҳужумчиси Криштиану Роналду келаётган трансфер ойнасида жамоани тарк этиши мумкин. 37 ёшли футболчи жамоадаги ўрнидан норози ва вазият ўзгаришини кутмоқда. Португалияликнинг атрофидагилар унга осонроқ лигадан жамоа танлаши керак, деб ҳисобламоқда - масалан, МЛС. Бу ҳақда AS хабар бермоқда.
Эслатиб ўтамиз, Роналду асосий жамоа билан машғулотлардан четлаштирилган ва "Челси" билан ўйин учун қайдномага киритилмаган эди. Бу Криштианунинг "Тоттенхэм"га қарши ўйинда (2:0) ўйин тугашидан олдин стадионни тарк этгани туфайли содир бўлди. Кейинроқ у ижтимоий тармоқларда узр сўради, аммо “Юнайтед” 21 ёшгача бўлганлар жамоаси билан машғулот ўтказишга мажбур бўлди ва бир неча юз минг фунт жарима ҳам тўлади.
