Украинанинг “Шахтёр” клуби ярим ҳимоячиси Михайло Мудрик Лондоннинг “Арсенал” клуби футболчисига айланиши мумкин, деб хабар беради Calciomercato.
Қайд этилишича, “канонирлар” Украина терма жамоаси футболчиси учун 35 миллион евро таклиф қилишга тайёр.“Арсенал” бош мураббийи Микель Артета футболчига шахсан қизиқиш билдирмоқда.
Бироқ “Шахтёр” футболчи билан бундай шартлар асосида хайрлашмоқчи эмаслиги ҳам қайд этилган. Жамоа раҳбарияти бошқа клубларнинг таклифларини кўриб чиқади, улар орасида Туриннинг "Ювентус"и ҳам бор.
21 ёшли украиналик футболчи жорий мавсумда Украина Премьер-лигасида 6 та ўйин ўтказиб, 3 та гол урди ва 5 та голли узатмани амалга оширди. Жорий мавсумда Чемпионлар лигасининг тўртта ўйинида Мудрик иккита гол урди ва иккита голли узатмани амалга оширди.
