"Манчестер Юнайтед" бош мураббийи Эрик тен Хаг Криштиану Роналдудан умидвор.
Нидерландиялик мутахассис 37 ёшли португалиялик футболчини "Тоттенхэм" билан ўйинда захирада майдонга тушишдан бош тортгани учун вақтинча дисквалификация қилди, аммо мураббий ва ҳужумчи ўртасидаги муносабатларда ҳаммаси кўплаб инглиз манбалари ёзганидек ёмон эмас, дейди журналист Тайрон Маршалл.
Тен Хаг ҳамон Роналду билан ишлашни истайди, тез орада умумий тил топишга умид қилади. Мураббий суперюлдуз жамоага фойда келтириши мумкинлигига ишонади.
Криштиану Роналдунинг "Манчестер Юнайтед" билан шартномаси 2023 йилнинг ёзига қадар амал қилади. Миш-мишларга кўра, футболчи январ ойида жамоани тарк этиши мумкин, унга даъвогарлар орасида Лондоннинг "Челси" клуби ҳам бор.
