"Вильярреал" ҳужумчиси Йереми Пинога "Астон Вилла" қизиқиш билдириши мумкин, дея маълумот берди инсайдер Фабрицио Романо.
Манбага кўра, трансфер ташаббускори Бирмингем клубининг янги бош мураббийи Унаи Эмери бўлиб, у 1 ноябрдан клубда иш бошлайди. Бунгача испаниялик мутахассис "Вильярреал"ни бошқарган.
Жорий мавсумда 20 ёшли Пино “сариқ сувости кемаси” сафида 14 та ўйин ўтказиб, 1 та гол урди ва 1 та голли узатмани амалга оширди.
Унинг клуб билан шартномаси 2027 йилнинг ёзига қадар мўлжалланган.













