Украиналик ярим ҳимоячи Руслан Малиновский қишки трансфер ойнасида "Аталанта"ни тарк этиб, АПЛга ўтиши мумкин. Бу ҳақда Goal.com портали хабар бермоқда.
Манба берган хабарга кўра, ярим ҳимоячи Бергамодаги ўйин амалиётидан норози. Шу сабабли Руслан бошқа клублар вариантини кўриб чиқишни режалаштирмоқда. Малиновскийга даъвогарлардан бири Лондоннинг “Тоттенхэм” клуби ҳисобланади. Унинг хизматларига "шпорлар" бош мураббийи Антонио Конте шахсан қизиқмоқда.
Жорий мавсумда украиналик футболчи “Аталанта” сафида ўнта ўйинда қатнашиб, битта гол ва битта голли узатмани амалга оширди.
