"Манчестер Юнайтед" 31 ёшли дарвозабон Давид де Хеага янги шартнома таклиф қилишга тайёр, аммо маоши қисқартирилган ҳолатда. Бу ҳақда The Athletic хабар бермоқда. Манбага кўра, инглиз клуби Де Хеа билан 2023 йилнинг ёзида тугайдиган шартномани яна бир мавсумга узайтириш имкониятига эга.
Де Хеа 2011 йилнинг ёзида "Атлетико"дан "Манчестер Юнайтед"га ўтган эди. Манкунианликлар сафида 503 та ўйинда испаниялик дарвозабон 548 та гол ўтказиб юборган ва 172 марта ўз дарвозаси дахлсизлигини сақлаган.
“Манчестер Юнайтед” таркибида футболчи еттита совринни қўлга киритди, жумладан, Европа Лигаси ва Премьер-лигадаги ғалабалар.
Эслатиб ўтамиз, аввалроқ Испания терма жамоаси бош мураббийи Луис Энрике де Хеани ЖЧ учун кенгайтирилган рўйхатига киритмагани маълум бўлганди.
