"Ювентус" бош мураббийи Массимилиано Аллегри жамоасининг жорий мавсумдаги ўйини ҳақида ўз фикрлари билан ўртоқлашди.
"Ювентус" 2014 йилдан бери илк бор Чемпионлар лигаси плей-офф босқичига чиқа олмади.
“Энди Европа Лигаси ҳақида ўйлашнинг маъноси йўқ, биз бор эътиборимизни А Серияга алмаштиришимиз керак. Эртага қийин ўйин бўлади. Биз бу вазиятдан чиқиб кетишимиз керак, аммо буни бир ўйинда уддалай олмаймиз.
Футболчиларимизда маънавий қадриятлар бор ва мен уларга жуда ишонаман. Биз умидсизликка тушишимиз шарт эмас, акс ҳолда биз бу вазиятдан чиқа олмаймиз. Биз эртанги ўйин қанчалик муҳимлигини биламиз, Чемпионлар лигасидаги натижадан қатъий назар, қийин ва биз уни бир бутун сифатида ўйнашимиз керак", - дея Аллегрининг сўзларини келтиради Football Italia.
“Ювентус” 11 турдан кейин 19 очко билан А Серия турнир жадвалида 8-ўринда бормоқда.
