“Манчестер Юнайтед” ҳужумчиси Криштиану Роналду Португалияда 18 миллион еврога вилла сотиб олди, деб хабар бермоқда The Sun.

Нуфузли ҳудудда жойлашган уй Португалия пойтахти Лиссабондан 40 дақиқалик масофада жойлашган. Майдони 2720 квадрат метр бўлган қаср уч қаватни эгаллайди. Роналду ер сотиб олиш ва вилла қуриш учун 18 миллион евро сарфлади. Бу ҳолат Криштианунинг янги уйини бутун Португалиядаги энг қиммат кўчмас мулкка айлантиради. Вилла 2023 йил бошида фойдаланишга тайёр бўлиши кутилмоқда.

Лиссабон яқинидаги бундай қиммат турар жойни сотиб олиш Роналду ўзи тарбияланувчиси бўлган маҳаллий "Спортинг"га кўчиб ўтишдан манфаатдор эканлигидан далолат бериши мумкин.

Эслатиб ўтамиз, Роналдунинг Премьер-лигада "Тоттенхем"га қарши учрашув (2:0) тугашига икки дақиқа қолганида захирадан майдонга тушишдан бош тортгани билан боғлиқ можародан сўнг, португалиялик қишки трансфер ойнасидаёқ "Манчестер Юнайтед"ни тарк этиши ҳақида миш-мишлар тарқала бошлаган эди.