Испаниялик мутахассис Хулен Лопетеги Англиянинг "Вулверхэмптон" клуби раҳбариятининг нишони бўлишда давом этмоқда. Бу ҳақда The Sun хабар бермоқда.
Аввалроқ, "бўрилар" мураббий билан шартнома имзолашга уриниб кўришган, бироқ рад жавоби берилганди. Ҳозир клуб раҳбарияти Лопетегига янги таклиф тайёрламоқда.
Эслатиб ўтамиз, Хулен ҳозир ишсиз мақомида. Яқинда у "Севилья" бош мураббийлигидан бўшатилди.
"Вулверхэмптон" Англия Премьер-лигасининг жорий мавсумида омадсизликка учрамоқда. 14 турдан кейин жамоа ўн очко жамғариб, турнир жадвалининг сўнгги поғонасида бормоқда.
