"Вест Хэм" дарвозабони Альфонсо Ареола жамоасининг АПЛ 14-тури доирасида "Манчестер Юнайтед"га қарши ўйиндаги мағлубияти (0:1) ҳақида фикр билдирди.

“Ўйлайманки, биз бу натижадан ҳам кўпроқ нарсага лойиқмиз. Охирида бизда кўплаб имкониятлар бўлди, аммо Де Хеа ажойиб сейвларни амалга оширди. У ҳар доим энг яхши дарвозабон бўлиб келган ва бу ўйинда у "Манчестер Юнайтед" учун ўз ишини бажарди. Биз иккинчи бўлимда тўпни кўпроқ назорат қила бошладик ва бор кучимиз билан ҳаракат қилдик, аммо омадимиз келмади", - дея дарвозабоннинг сўзларидан иқтибос келтиради клуб расмий сайти.

“Вест Хэм” ҳозирда 14 очко билан АПЛ турнир жадвалида 13-ўринда бормоқда. "Манчестер Юнайтед" 23 очко билан 5-ўринда бормоқда.