Лондоннинг "Арсенал" клуби бош мураббийи Арсен Венгер жамоанинг муҳим ўйинчиларидан баъзилари Осиё қитъаси бўйлаб уюштириладиган турне учун тузилган таркибга киритилмаганини изоҳлаб ўтди.
Француз мутахассисининг бу борадаги интервьтюси клуб расмий сайтига жойлаштирилди. Эътиборли жиҳати, бош мураббий Россия терма жамоаси сардори Андрей Аршавин ҳақида лом-мим демаган. Гарчи у ҳам Осиё турнесига бормайди.
"Баъзи футболчилар турнега йўл олишмайди, чунки улар ҳали рақобатбардош формага келиб улгуришмаган. Масалан, Подольски ва Мертезакер шанба куни машғулотларга киришишди, шу сабабли улар пича кейинроқ жисмоний формада бўлишади. Баъзи футболчилар ҳам ўз формалари устида жиддийроқ ишлашлари талаб этилади, ҳозирча улар анча ортда. Гап ван Перси, Косельни ва Жиру ҳақида бормоқда… Улар ҳозирча ўйинларга тайёр эмас. Росицкига тўхталадиган бўлсам, у ҳали жароҳатларидан фориғ бўлгани йўқ", — деган Венгер.
