Мадриднинг “Реал” клуби бош мураббийи Карло Анчелотти ярим ҳимоячи Аурелиен Тчуаменининг тикланиш вақти ҳақида гапирди. Эслатиб ўтамиз, футболчи жароҳати туфайли "қаймоқранглилар"нинг сўнгги ўйинларини ўтказиб юборганди.
“Бу мушак жароҳати эмас, балки охирги кунларда уни безовта қилаётган тендинит. У ўзини яхши ҳис қилмоқда. Ўйлайманки, у душанба куни “Райо Вальекано”га қарши ўйнайди”, — деди Анчелотти Чемпионлар Лигасида “Селтик” устидан қозонилган ғалабадан сўнг матбуот анжуманида.
Эслатиб ўтамиз, Тчуамени шу ёзда "Монако"дан кўчиб ўтгандан сўнг дарҳол "Реал"нинг асосий ярим ҳимоячисига айланди. Трансфер суммаси "қироллик клуби"га 80 миллион евро атрофида тушди.
